ਭਾਸ਼ਾ ਸੇਵਾਵਾਂ 

ਅਸੀਂ ਤੁਹਾਡੇ ਕਲੇਮ, ਇਨਸ਼ੋਰੈਂਸ ਜਾਂ ਡਰਾਈਵਰ ਲਾਇਸੈਂਸਿੰਗ ਲੋੜਾਂ ਬਾਰੇ ਤੁਹਾਡੀ ਭਾਸ਼ਾ ਵਿੱਚ ਤੁਹਾਡੇ ਨਾਲ ਗੱਲ ਕਰ ਸਕਦੇ ਹਾਂ।  

ਜੇ ਤੁਸੀਂ ਬੀ.ਸੀ. ਵਿੱਚ ਨਵੇਂ ਆਏ ਹੋ ਜਾਂ ਜੇ ਅੰਗਰੇਜ਼ੀ ਤੁਹਾਡੀ ਪਹਿਲੀ ਭਾਸ਼ਾ ਨਹੀਂ ਹੈ, ਤਾਂ ਅਸੀਂ ਤੁਹਾਡੀ ਮਦਦ ਕਰਨ ਲਈ ਮੌਜੂਦ ਹਾਂ। ਅਸੀਂ 170 ਭਾਸ਼ਾਵਾਂ ਵਿੱਚ ਮੁਫਤ, ਫ਼ੋਨ ਰਾਹੀਂ ਅਨੁਵਾਦ ਸੇਵਾਵਾਂ ਅਤੇ ਦੋ ਭਾਸ਼ਾਵਾਂ ਦੀਆਂ ਫ਼ੋਨ ਲਾਈਨਾਂ (ਚਾਈਨੀਜ਼ ਅਤੇ ਪੰਜਾਬੀ) ਦੀ ਪੇਸ਼ਕਸ਼ ਕਰਦੇ ਹਾਂ।   

ਫ਼ੋਨ ਰਾਹੀਂ ਅਨੁਵਾਦ ਸੇਵਾਵਾਂ 

ਫ਼ੋਨ ਰਾਹੀਂ ਸਾਡੇ ਨਾਲ ਸੰਪਰਕ ਕਰੋ ਅਤੇ ਕੁਝ ਮਿੰਟਾਂ ਦੇ ਅੰਦਰ ਅਸੀਂ ਤੁਹਾਡੀ ਭਾਸ਼ਾ ਵਿੱਚ ਸਾਡੇ ਕਸਟਮਰ ਸਰਵਿਸ ਨੁਮਾਇੰਦਿਆਂ (customer service representatives) ਨਾਲ ਗੱਲ-ਬਾਤ ਕਰਨ ਵਿੱਚ ਮਦਦ ਕਰਨ ਲਈ ਫ਼ੋਨ 'ਤੇ ਕਿਸੇ ਦੁਭਾਸ਼ੀਏ ਵਿਅਕਤੀ ਨਾਲ ਤੁਹਾਨੂੰ ਕਨੈਕਟ ਕਰ ਸਕਦੇ ਹਾਂ। ਸੇਵਾ 170 ਭਾਸ਼ਾਵਾਂ ਵਿੱਚ ਉਪਲਬਧ ਹੈ।  

ਕਲੇਮ ਦੀ ਪੁੱਛਗਿੱਛ ਲਈ:  

• ਦਿਨ ਦੇ 24 ਘੰਟੇ, ਹਫਤੇ ਦੇ 7 ਦਿਨ ਉਪਲਬਧ 

ਇਨਸ਼ੋਰੈਂਸ ਅਤੇ ਡਰਾਈਵਰ ਲਾਇਸੈਂਸਿੰਗ ਬਾਰੇ ਪੁੱਛਗਿੱਛ ਲਈ: 

• ਸੋਮਵਾਰ ਤੋਂ ਸ਼ੁੱਕਰਵਾਰ: ਸਵੇਰੇ 8 ਵਜੇ ਤੋਂ ਸ਼ਾਮ 6 ਵਜੇ ਤੱਕ 

• ਸ਼ਨੀਵਾਰ: ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ 

ਚਾਈਨੀਜ਼ ਅਤੇ ਪੰਜਾਬੀ ਭਾਸ਼ਾ ਦੀਆਂ ਫ਼ੋਨ ਲਾਈਨਾਂ 

ਕਿਸੇ ਦੁਭਾਸ਼ੀਏ ਨਾਲ ਆਪਣੀ ਭਾਸ਼ਾ ਵਿੱਚ ਤੁਰੰਤ ਗੱਲ ਕਰੋ।

ਕਲੇਮਾਂ ਦੀ ਪੁੱਛਗਿੱਛ ਲਈ:

• ਹਫ਼ਤੇ ਦੇ ਸੱਤੇ ਦਿਨ ਸਵੇਰੇ 8 ਵਜੇ ਤੋਂ ਸ਼ਾਮ 8 ਵਜੇ ਤੱਕ ਟੋਲ-ਫ੍ਰੀ ਫੋਨ ਕਰੋ।

• ਚਾਈਨੀਜ਼ ਲਾਈਨ (ਕੈਂਟੋਨੀਜ਼ ਅਤੇ ਮੈਂਡਰਿਨ): 1-855-813-2121

• ਪੰਜਾਬੀ ਲਾਈਨ: 1-866-906-6163

ਇੰਸ਼ੋਰੈਂਸ ਅਤੇ ਡਰਾਈਵਰ ਲਾਇਸੈਂਸ ਸੰਬੰਧੀ ਪੁੱਛਗਿੱਛਾਂ ਲਈ, ਕਿਰਪਾ ਕਰਕੇ ਸਾਡੇ contact us (ਸੰਪਰਕ ਪੰਨੇ) 'ਤੇ ਦਿੱਤੇ ਫ਼ੋਨ ਨੰਬਰਾਂ ਨੂੰ ਵੇਖੋ ਅਤੇ ਕਨੈਕਟ ਹੋਣ ਤੋਂ ਬਾਅਦ ਆਪਣੀ ਭਾਸ਼ਾ ਵਿੱਚ ਦੁਭਾਸ਼ੀਆ ਲੈਣ ਲਈ ਕਹੋ।

ਡਰਾਈਵਰ ਲਾਇਸੈਂਸਿੰਗ ਦਫਤਰਾਂ ਵਿਖੇ ਦੁਭਾਸ਼ੀਆ ਸੇਵਾਵਾਂ 

ਜੇ ਕਿਸੇ ਡਰਾਈਵਰ ਲਾਇਸੈਂਸਿੰਗ ਦਫ਼ਤਰ ਵਿਖੇ ਤੁਹਾਡੀ ਅਪੌਇੰਟਮੈਂਟ ਆਉਣ ਵਾਲੀ ਹੈ ਅਤੇ ਅੰਗਰੇਜ਼ੀ ਤੁਹਾਡੀ ਚੋਣਵੀਂ ਭਾਸ਼ਾ ਨਹੀਂ ਹੈ, ਤਾਂ ਸਾਡੇ ਕੋਲ ਕੁਝ ਥਾਂਵਾਂ 'ਤੇ ਦੁਭਾਸ਼ੀਆ ਸੇਵਾਵਾਂ ਉਪਲਬਧ ਹਨ। ਅਸੀਂ ਆਪਣੇ ਕਸਟਮਰ ਸਰਵਿਸ ਨੁਮਾਇੰਦਿਆਂ ਨਾਲ ਗੱਲ ਕਰਨ ਵਿੱਚ ਤੁਹਾਡੀ ਮਦਦ ਕਰਨ ਲਈ ਫ਼ੋਨ 'ਤੇ ਕਿਸੇ ਦੁਭਾਸ਼ੀਏ ਵਿਅਕਤੀ ਨਾਲ ਸੰਪਰਕ ਕਰ ਸਕਦੇ ਹਾਂ। 

ਰੋਡ ਟੈਸਟਾਂ ਲਈ ਦੁਭਾਸ਼ੀਆ ਸੇਵਾਵਾਂ ਉਪਲਬਧ ਨਹੀਂ ਹਨ। 

ਦੁਭਾਸ਼ੀਆ ਸੇਵਾਵਾਂ ਵਾਲੀਆਂ ਸਾਡੀਆਂ ਡਰਾਈਵਰ ਲਾਇਸੈਂਸਿੰਗ ਥਾਂਵਾਂ ਦੇਖੋ। 

ਦਸਤਾਵੇਜ਼ ਅਨੁਵਾਦ 

ਹਾਲਾਂਕਿ ਅਸੀਂ ਕਿਸੇ ਦਸਤਾਵੇਜ਼ ਦਾ ਅਨੁਵਾਦ ਨਹੀਂ ਕਰ ਸਕਦੇ, ਜੇ ਤੁਹਾਡੇ ਲਾਇਸੈਂਸ ਜਾਂ ਡਰਾਈਵਿੰਗ ਰਿਕਾਰਡ ਵਰਗੇ ਦਸਤਾਵੇਜ਼ ਕਿਸੇ ਹੋਰ ਭਾਸ਼ਾ ਵਿੱਚ ਹਨ ਤਾਂ ICBC ਤੋਂ ਮਾਨਤਾ ਪ੍ਰਾਪਤ ਅਨੁਵਾਦਕ  ਜਾਂ ਬੀ.ਸੀ. ਵਿੱਚ ਸਥਿਤ ਕਾਊਂਸਲੇਟ ਇਨ੍ਹਾਂ ਦਾ ਅਨੁਵਾਦ ਕਰ ਸਕਦੇ ਹਨ।   ਅਨੁਵਾਦ ਦੀਆਂ ਲੋੜਾਂ ਉਸ ਦੇਸ਼ ਜਾਂ ਅਧਿਕਾਰ ਖੇਤਰ 'ਤੇ ਨਿਰਭਰ ਕਰਦੀਆਂ ਹਨ, ਜਿਸ ਨੇ ਤੁਹਾਡਾ ਮੌਜੂਦਾ ਲਾਇਸੈਂਸ ਜਾਰੀ ਕੀਤਾ 

ICBC ਤੋਂ ਮਾਨਤਾ ਪ੍ਰਾਪਤ ਅਨੁਵਾਦਕ ICBC ਲਈ ਕੰਮ ਨਹੀਂ ਕਰਦੇ ਅਤੇ ਅਜਿਹੇ ਹੋਰ ICBC ਤੋਂ ਮਾਨਤਾ ਪ੍ਰਾਪਤ ਅਨੁਵਾਦਕ ਵੀ ਹੋ ਸਕਦੇ ਹਨ ਜੋ ਸੂਚੀਬੱਧ ਨਹੀਂ ਹਨ। ਫੀਸਾਂ ਅਤੇ ਸੇਵਾਵਾਂ ਹਰੇਕ ਅਨੁਵਾਦਕ ਲਈ ਵੱਖਰੀਆਂ ਹੁੰਦੀਆਂ ਹਨ; ਹੋਰ ਜਾਣਕਾਰੀ ਲਈ ਕਿਰਪਾ ਕਰਕੇ ਉਹਨਾਂ ਨਾਲ ਸੰਪਰਕ ਕਰੋ। 

ਤੁਸੀਂ ਅਨੁਵਾਦਕ ਨੂੰ ਅਨੁਵਾਦ ਕਰਨ ਲਈ ਆਪਣੇ ਦਸਤਾਵੇਜ਼ ਇਲੈਕਟ੍ਰਾਨਿਕ ਰੂਪ ਵਿੱਚ ਭੇਜ ਸਕਦੇ ਹੋ। ਉਹ ਦਸਤਾਵੇਜ਼ਾਂ ਦੀ ਸਮੀਖਿਆ ਕਰਨ ਲਈ ਤੁਹਾਡੇ ਨਾਲ ਵੀਡੀਓ ਕਾਲ ਦਾ ਸਮਾਂ ਨਿਯਤ ਕਰਨਗੇ। ਜੇਕਰ ਅਨੁਵਾਦ ਕੀਤੇ ਦਸਤਾਵੇਜ਼ ਤੁਹਾਨੂੰ ਈਮੇਲ ਰਾਹੀਂ ਵਾਪਸ ਕਰ ਦਿੱਤੇ ਜਾਂਦੇ ਹਨ, ਤਾਂ ਡਰਾਈਵਰ ਲਾਇਸੰਸਿੰਗ ਦਫ਼ਤਰ ਵਿੱਚ ਆਉਣ ਤੋਂ ਪਹਿਲਾਂ ਉਹਨਾਂ ਨੂੰ ਪ੍ਰਿੰਟ ਕਰੋ। ਆਪਣੇ ਅਸਲ ਦਸਤਾਵੇਜ਼ ਦੇ ਨਾਲ-ਨਾਲ ਅਨੁਵਾਦਿਤ ਦਸਤਾਵੇਜ਼ਾਂ ਨੂੰ ਲਿਆਉਣਾ ਨਾ ਭੁੱਲੋ।

ਆਪਣੇ ਦਸਤਾਵੇਜ਼ਾਂ ਦੇ ਅਨੁਵਾਦ ਦੀ ਬੇਨਤੀ ਕਰਦੇ ਸਮੇਂ, ਕਿਰਪਾ ਕਰਕੇ ਦੱਸੋ ਕਿ ਇਹ ICBC ਲਈ ਹੈ। ਅਨੁਵਾਦਕ ਨੂੰ ਹੋਰ ਦਸਤਾਵੇਜ਼ਾਂ ਨੂੰ ਪੂਰਾ ਕਰਨ ਦੀ ਲੋੜ ਪੈ ਸਕਦੀ ਹੈ ਜਿੰਨ੍ਹਾਂ ਨੂੰ ਤੁਹਾਨੂੰ ਡਰਾਈਵਰ ਲਾਇਸੈਂਸਿੰਗ ਦਫ਼ਤਰ ਵਿੱਚ ਲਿਆਉਣ ਦੀ ਲੋੜ ਪਵੇਗੀ।